Цените на нафтата на светските пазари повторно се најдоа во центарот на вниманието, откако нов бран тензии и стравувања за снабдувањето предизвика нагло поскапување. Во текот на денот, цената на барелот се искачи над психолошката граница од 100 долари, а во еден момент Брент се движеше околу 102 долари, додека американската WTI нафта отиде и над тоа ниво. Главната причина за овој ценовен скок е зголемената неизвесност околу енергетските текови од Блискиот Исток. Пазарите реагираат чувствително на секоја закана што може да влијае врз транспортот на нафта, особено во и околу Ормускиот Теснец, кој е една од најважните артерии за глобалното снабдување со енергенси. Дополнителен притисок создадоа и сигналите за поостар пристап кон иранскиот енергетски сектор, што уште повеќе ја зголеми нервозата кај инвеститорите. Аналитичарите оценуваат дека стравот од прекин на испораките моментално има далеку поголемо влијание врз цената отколку класичните пазарни фактори. Во вакви околности, секое ново влошување на безбедносната состојба може дополнително да ги оттурне цените нагоре. Пазарот засега останува крајно чувствителен, а движењата на нафтата се следат со големо внимание бидејќи можат директно да се прелеат и врз цените на горивата, транспортот и секојдневните трошоци ширум светот.

Цената на златото во понеделникот забележа пад, откако пазарите реагираа на зајакнувањето на американскиот долар, растечките очекувања за повисоки каматни стапки и новата фаза на геополитичка неизвесност поврзана со Блискиот Исток. Иако ескалацијата околу Ормускиот теснец и неуспешните мировни разговори меѓу САД и Иран првично ги засилија стравувањата кај инвеститорите, ефектот врз златото беше ограничен, бидејќи паралелно се засилија и енергетските пазари и американската валута. Пазарот реагира на повеќе фактори истовремено Аналитичарите објаснуваат дека падот на златото е резултат на комбинација од неколку економски и пазарни фактори, а не само геополитичките случувања. Најзначајно влијание има зајакнувањето на доларот, кој традиционално врши притисок врз златото бидејќи металот се тргува во американска валута. Посилниот долар го прави златото поскапо за странските инвеститори и ја намалува побарувачката. Дополнително, растот на цените на енергенсите ги зголеми инфлациските очекувања, што ја зајакна веројатноста дека американската централна банка (ФЕД) ќе ја задржи рестриктивната монетарна политика подолг период. Во такви услови, златото губи дел од атрактивноста, бидејќи не носи каматен принос. Инфлација и монетарна политика во фокус Првичните податоци покажуваат дека инфлацискиот притисок во САД повторно се засилува, главно поради растот на цените на горивата. Тоа дополнително ги комплицира очекувањата за идните одлуки на ФЕД, при што дел од аналитичарите не ја исклучуваат можноста каматните стапки да останат високи подолг период. Истовремено, дел од инвеститорите по силниот претходен раст на златото решија да реализираат добивка, што дополнително придонесе за краткорочен пад на цената. Геополитиката останува фактор на нестабилност Иако традиционално геополитичките тензии го поддржуваат златото, овојпат пазарот реагираше посложено. Ескалацијата на кризата во Персискиот Залив и најавите за блокада на поморскиот сообраќај преку Ормускиот теснец доведоа до раст на нафтата, но истовремено ја засилија и неизвесноста за глобалната инфлација и економскиот раст. Токму оваа спротивставеност меѓу „безбедносната побарувачка“ и макроекономските притисоци создаде нестабилно движење на пазарот на злато. Движење на цените Во текот на денот, цената на унца злато падна за околу 2,2 проценти, спуштајќи се под 4.650 долари, по што дел од загубите беа делумно надоместени. Подоцна, спот цената се стабилизираше со пад од околу 0,4 проценти на 4.729,02 долари. Среброто бележи пад од 1,8 проценти, платината остана речиси непроменета, додека паладиумот забележа благ раст.

Платформата за онлајн резервации на сместување Booking.com ги предупреди своите корисници дека е цел на хакерски напад, во кој „неовластени страни“ добија пристап до неодреден број имиња на клиенти, контакт информации и податоци за резервации за сместување. „Откако ја откривме активноста, презедовме мерки за да го ограничиме проблемот. Го ажуриравме ПИН-бројот за овие резервации и ги информиравме нашите гости“, според соопштението објавено од Гардијан. Компанијата со седиште во Амстердам не соопшти колку луѓе биле погодени од хакерскиот напад, а нејзиниот портпарол рече дека хакерите немале пристап до „финансиски информации“.

По зголемувањето на цените во пресрет на велигденските празници, вниманието на јавноста сега е насочено кон одлуката што Владата треба да ја донесе во наредниот период. Очекувањата се дека новиот пакет мерки ќе има за цел да го ублажи ценовниот притисок врз граѓаните и да донесе стабилизација на пазарот. Министерството за економија веќе изготви анализа врз основа на податоците од Државниот пазарен инспекторат, кој во изминатиот период спроведе контроли на околу 800 продажни објекти низ земјата. Со проверките биле опфатени цените на основните прехранбени производи, но и на хигиенските средства и производите за бебиња. Според анализите, значителен раст е забележан кај дел од најкористените производи. Во периодот пред празниците поскапеле јајцата, маслото за јадење и лебот, додека највисоки цени се регистрирани кај овошјето и зеленчукот. Овие промени директно влијаат врз домашниот буџет и го зголемуваат притисокот врз потрошувачите. Како можни решенија се разгледуваат ограничување на трговските маржи, како и намалување на данокот на додадена вредност за одредени категории на храна. Сепак, конечната одлука ќе зависи од проценките за ефектите врз економијата и пазарната стабилност. Дополнителен фактор што може да влијае врз цените е и глобалниот пазар, каде што цената на нафтата бележи раст, што индиректно се одразува и врз транспортните и производствените трошоци. Сето тоа остава неизвесност дали и кога граѓаните ќе почувствуваат реално намалување на цените.

Уште првиот ден по поразот на Виктор Орбан на изборите се реди долга низа губитници во Унгарија. И во политиката и во бизнисот. Најголем губитник на денот беше берзанската холдинг компанија„Опус“, чиј сопственик е најбогатиот Унгарец, Лоринц Месарош, инаку другар од училишните денови на Орбан.  „Опус“ поседува радио станици, телевизии, весници, големи имоти во туризмот, земјоделството, енергијата. Акциите на компанијата паднаа за речиси 30 проценти. Меѓу големите губитници на берзата е 4iG, компанија која многу блиска на Фидес и гигант во телекомуникациите, одбраната… и има голема државна поддршка. Нејзините акции паднаа за 17 проценти. 4iG по брза постапка стана трет мобилен оператор во Македонија, користејќи ги исклучително блиските врски меѓу ВМРО-ДПМНЕ и Фидес. За разлика од бизнисите поврзани со економската аристократија на Фидес, компаниите што работат – во најголем дел – независно од државата, постигнаа исклучително добри резултати. Победник на денот беше банката ОТП, која е најголема во државата. Нејзините акции пораснаа за 8 проценти. И нафтената компанија МОЛ имаше добри резултати (7 проценти пораст), а добро помина и Маѓар телеком.

Владата известува дека утре, 14.04.2026 година (вторник) во 10:30 часот по повод Денот на царинската управа претседателот на Владата, Христијан Мицкоски ќе присуствува и свое обраќање ќе има на настанот во Македонска филхармонија.

Поранешниот американски претседател Доналд Трамп објави дека 34 бродови поминале низ Ормускиот теснец во текот на вчерашниот ден, што според него е најголем број откако започнала „неразумната блокада“. Во објавата на социјалните мрежи, Трамп го истакна овој податок како знак дека ситуацијата во еден од најважните светски енергетски коридори се нормализира. Ормускиот теснец е клучна рута за транспорт на нафта, низ која поминува значителен дел од глобалното снабдување со енергенси.

Поранешниот американски претседател Доналд Трамп објави остар и контроверзен коментар во кој тврди дека иранската морнарица претрпела сериозни загуби и упати директно предупредување до Техеран. Во својата објава, Трамп наведува дека „158 бродови“ на Иран се уништени, додавајќи дека преостанатите мали брзи пловни објекти не биле таргетирани бидејќи не се сметале за значајна закана. Тој предупреди дека секој обид за приближување до, како што ја нарече, американската „блокада“ ќе биде веднаш спречен со силен одговор. Трамп исто така посочи дека САД применуваат строги мерки за контрола на морскиот сообраќај, споредувајќи ги со операции против шверц на дрога по море. Во објавата се тврди и дека над 98% од дрогата што пристигнува по морски пат кон САД е запрена. Засега нема официјална потврда од САД или Иран за ваквите наводи, ниту пак независни извори ги потврдуваат бројките што ги изнесе Трамп.

Европскиот автомобилски пазар влегува во нова, неизвесна фаза, во која цената станува клучно оружје во битката за купувачите. Изјавата на шефот на Волво, Хокан Самуелсон, дека Европа би можела да се соочи со ценовна војна, отвори дилема: дали конечно доаѓа период на поевтини автомобили или станува збор за претерани очекувања? Реалноста, како и обично, е некаде помеѓу. Сигналите за притисок врз цените се реални. Во Кина веќе неколку години трае жестока борба меѓу производителите, каде домашните брендови како BYD агресивно ги намалуваат цените за да освојат пазарен удел. Овој модел сега полека се прелева кон Европа, каде кинеските компании настапуваат со пониски цени, богата опрема и со сè подобар квалитет. За европските брендови тоа значи јасен избор – или ќе се прилагодат, или ќе губат клиенти. Понудата ја надминува побарувачката Дополнителен проблем за индустријата е слабата побарувачка. Според податоците на Европското здружение на производители на автомобили (АСЕА), регистрациите на нови автомобили во Европската Унија на почетокот на 2026 година бележат благ пад од околу 1,2%. Истовремено, електричните возила достигнуваат удел од речиси 19%, што значи дека пазарот се трансформира, но не расте доволно брзо за да ја апсорбира зголемената понуда. Кога понудата ја надминува побарувачката, ценовниот притисок е неизбежен. Ситуацијата дополнително ја комплицира фактот што европските производители веќе чувствуваат притисок на глобално ниво. Германските гиганти како Мерцедес Бенц и Фолксваген, бележат пад на продажбата во Кина, најголемиот автомобилски пазар во светот. Таму, локалните конкуренти нудат поевтини електрични модели со современа технологија, што ги тера европските брендови да прават компромиси и да размислуваат за намалување на цените и на други пазари. Европа ќе се спасува од кинескиот дампинг Но, Европа не е Кина – и тука доаѓа клучната разлика. Европската Унија веќе презеде мерки за да го ограничи налетот на евтините кинески автомобили, воведувајќи царини за електричните возила од Кина. Брисел дури размислува и за механизми како минимални продажни цени, со цел да спречи „дампинг“ што би можел да ја уништи домашната индустрија. Тоа значи дека целосна ценовна војна, каква што се гледа во Кина, во Европа е многу потешко остварлива. Сепак, тоа не значи дека цените ќе останат исти. Напротив, веќе се забележуваат попусти од 10% до 15% кај одредени модели, особено кај електричните возила кои производителите се обидуваат да ги направат попривлечни за купувачите. Наместо директно намалување на ценовниците, производителите сè почесто нудат поволни лизинг-услови, бонуси и дополнителна опрема без доплата – што практично значи скриено поевтинување. Што може да очекува Македонија? Иако Македонија не е дел од ЕУ, таа директно ги чувствува трендовите од европскиот пазар. Поголема конкуренција и попусти во Европа значат поатрактивни цени и кај домашните дилери, особено за возила увезени од ЕУ. Тоа може да доведе до подобри услови за купување, но и до пад на цените на половните автомобили, кои традиционално се увезуваат од Германија, Италија и други европски земји. Како и да е, Европа сè уште не влегла во отворена ценовна војна, но сите предуслови за тоа полека се создаваат. Притисокот од Кина, слабата побарувачка и трансформацијата кон електрични возила ја туркаат индустријата кон новата реалност. За купувачите тоа може да значи повеќе избор и подобри цени, но за производителите – тежок период во кој профитот ќе биде под силен удар.

Американскиот претседател Доналд Трамп изјави дека биле воспоставени контакти со, како што ги нарече, „вистинските луѓе“ од Иран кои се заинтересирани за постигнување договор. Според неговите зборови, постои подготвеност од одредени кругови во Иран за преговори, што може да отвори нова можност за намалување на тензиите меѓу САД и Иран. Трамп не откри конкретни детали за тоа кои се тие контакти, ниту дали станува збор за официјални претставници или неформални канали, но нагласи дека постои интерес за договор кој би бил „добар за двете страни“.

Уследија неколку ирански реакции. Иранскиот министер за надворешни работи, Абас Арагчи, изјави дека САД и Иран се на работ на постигнување договор за време на мировните преговори во Пакистан, но дека Техеран потоа се соочил со максималистички барања, промена на правилата и блокада. Галибаф: Уживајте во сегашните цени Претседателот на иранскиот парламент, Мохамед Багер Галибаф, кој ги водеше разговорите во Пакистан, се потсмеваше на одлуката на САД објавувајќи на мрежата X: „Уживајте во сегашните цени на бензинските пумпи. Со оваа таканаречена „блокада“, наскоро со носталгија ќе гледате на гориво од 4 до 5 долари.“ Enjoy the current pump figures. With the so-called 'blockade', Soon you'll be nostalgic for $4–$5 gas. ΔO_BSOH>0 ⇒ f(f(O))>f(O) pic.twitter.com/rVxlC6vFWG — محمدباقر قالیباف | MB Ghalibaf (@mb_ghalibaf) April 12, 2026 Во претходна изјава, Галибаф рече дека Иран нема да се предаде под закани. Како одговор на заканата на американскиот претседател Доналд Трамп дека ќе ги блокира сите бродови што ќе се обидат да влезат или излезат од Ормутскиот теснец, иранските поморски сили одговорија дека со секој воен брод што ќе се приближи до областа ќе се постапи строго. © Vecer.mk, правата за текстот се на редакцијата ГО СЛЕДИМЕ СЕКОЕ ДВИЖЕЊЕ на американската флота, вели командантот на иранската морнарица „Не може ДА МУ СЕ МОЛИШ НА БОГА, А ДА ШИРИШ СМРТ“ - Вербална војна помеѓу Папата и Трамп

Комерцијална банка АД Скопје ги известува своите акционери дека почнувајќи од 04.05.2026 година ќе врши исплата на дивиденда за 2025 година. Право на исплата на дивиденда за 2025 година имаат сите акционери на Комерцијална банка кои се евидентирани во книгата на акции на 14.04.2026 година. Исплатата на дивиденда на правните лица ќе се врши со пренос на средствата на нивните платежни сметки во Комерцијална или во друга банка. Согласно Законот за данокот на личен доход, Комерцијална банка, како исплатувач на доход по основ на дивиденда, пресметката и плаќањето на данокот на доход и исплатата на дивидендата на физички лица ќе ги врши со поднесување електронска пресметка за бруто-доходот и за данокот по одбивка (е-ППД) до Управата за јавни приходи преку системот е-Персонален данок. Е-ППД системот не прифаќа неточни и непотполни податоци. Затоа се повикуваат сите акционери-физички лица кои не се запишани во евиденцијата на УЈП како даночни обврзници да преземат соодветни мерки за нивно запишување согласно процедурите на УЈП. Ова особено се однесува на малолетните лица и/или други лица кои досега не биле приматели на оданочив доход од кој било вид во Република Северна Македонија. Средствата од дивидендата за 2025 година преку е-ППД системот ќе бидат уплатени на платежните сметки на физичките лица во Комерцијална банка АД Скопје. Исклучок ќе бидат лицата кои имаат дадено овластување/инструкција за пренос на дивидендата на платежна сметка во друга банка. Комерцијална банка во таков случај средствата од дивидендата преку е-ППД системот ќе ги уплати на назначената платежна сметка. Доколку некој акционер, резидент физичко лице, нема дадено такво овластување, а сака дивидендата да му биде исплатена на платежна сметка во друга банка, треба да го стори тоа преку доставување инструкции во електронска форма, а кои може да се најдат на веб-страната на Банката www.kb.mk , во делот ЗА НАС \ Односи со инвеститори. Согласно  Законот за данокот на личен доход, Банката по извршената исплата на дивиденда, ќе ја издаде пресметката за аконтација на данокот на доход од капитал-дивиденда остваренa со учество во добивката во 2025 година, a исплатена во 2026 година, и истата ќе биде достапна за секој акционер евидентиран во книгата на акции на 14.04.2026, преку шалтерите на Банката. Ги информираме акционерите корисници на електронско/мобилно банкарство на Банката дека пресметката ќе биде достапна и преку овие канали. Дополнителни информации може да се добијат на телефонските броеви: (02)  3168-323; 3168-309; 3168-311; 3168-313.

Инфлацијата во Соединетите Американски Држави нагло се зголеми во март, покажаа владини податоци, додека повисоките цени на енергијата поради војната на Блискиот Исток силно ги погодија Американците. Шокот поради зголемувањето на цените низ целата земја влијаеше и на претседателот Доналд Трамп, кој нареди мировни преговори со Иран. Стапката на инфлација се искачи на годишно ниво од 3,3 проценти во март, според Бирото за статистика на трудот на САД (BLS). За споредба, истиот индекс на потрошувачки цени (CPI) беше 2,4 проценти на годишна основа еден месец претходно. Цените на бензинот пораснаа за 21,2 проценти помеѓу февруари и март, што е најголемото месечно зголемување откако владата почна да го објавува индексот во 1967 година, според Бирото за статистика на трудот на САД (BLS). И покрај тоа што се најголем светски производител на сурова нафта, САД исто така ги почувствуваа ефектите, бидејќи цените на горивата на пумпите нагло се зголемија. Галон (3,78 литри) обичен бензин моментално чини просечно 4,15 долари во Соединетите Американски Држави, во споредба со околу 3 долари непосредно пред војната. Администрацијата на Доналд Трамп, избрана делумно врз основа на ветување за ограничување на инфлацијата, тврди дека економските нарушувања предизвикани од војната ќе бидат привремени. Фото – Piqsels

Рускиот функционер Александар Маслеников во понеделник повика на создавање заеднички резерви на храна со земјите од БРИКС и поранешните советски соседи за ублажување на ризиците за глобалната безбедност на храната предизвикани од војната на Блискиот Исток. Маслеников истакна дека Русија е најголемиот извозник на пченица во светот и дека координираното формирање на заеднички резерви на храна со пријателски земји, особено членови на Евроазиската економска унија и БРИКС, треба да послужи како одговор на растечките закани за глобалната безбедност на храната. Тој потсети дека околу половина од светската храна се одгледува со употреба на ѓубрива, додека една третина од светската трговија со ѓубрива минува низ Ормутскиот теснец, кој е во голема мера затворен од почетокот на конфликтот на Блискиот Исток. „За да се обезбеди безбедност на храната, исклучително е важно да се прошири соработката со пријателските земји, првенствено земјите-членки на Евроазиската економска унија и БРИКС, вклучително и преку создавање заеднички залихи на храна“, рече Маслеников, заменик-секретар на Советот за безбедност на Русија, според домашните новински агенции. Маслеников предупреди дека кризата на Блискиот Исток претставува сериозна закана за светската безбедност на храната. Доколку глобалниот недостиг на ѓубрива трае до почетокот на летото, приносите на главните култури, според него, би можеле да се преполоват, што би го стимулирало најизразеното зголемување на глобалната инфлација на цените на храната во последните години. Тој додаде дека бројот на гладни луѓе во светот би можел да се зголеми на рекордни 673 милиони. Светската банка, Меѓународниот монетарен фонд и Светската програма за храна на Обединетите нации минатата недела предупредија дека скокот на цените на нафтата, природниот гас и ѓубривата поттикнати од војната на Блискиот Исток неизбежно ќе доведе до повисоки цени на храната и зголемена несигурност на храната. Иако Русија е голем производител и извозник на ѓубрива, во моментов нема капацитет значително да го зголеми производството оваа година, а во исто време се стреми да го преполови извозот на земјоделски производи до 2030 година. Маслеников нагласи дека постојните услови, покрај фактот дека носат ризици за сопствената безбедност на храната на Русија, отвораат и долгорочни можности за домашните земјоделски производители. „Русија е во силна позиција да го зголеми извозот на храна во земјите од Блискиот Исток, како и во Азија, Африка и Латинска Америка“, рече Маслеников.

Финансиските пазари ретко чекаат потврда за политички промени – тие ги очекуваат. Токму ова се случи во Унгарија, каде што националната валута реагираше со силен раст веднаш по изборниот пораз на долгогодишниот премиер Виктор Орбан. Форинтата порасна за околу 2% во однос на еврото во понеделник, достигнувајќи ниво од 367,81 – највисоко за речиси три години. Во исто време, во однос на доларот, се зголеми за околу 1,6%, приближувајќи се до четиригодишен максимум. Ова поместување не е само техничка корекција. Ова е јасен сигнал дека инвеститорите гледаат потенцијален пресврт во економската насока на земјата во промената на владата. По 16 години доминација, Виктор Орбан ги загуби изборите од проевропската партија Тиса, предводена од Петер Маѓар. Според извештајот на Ројтерс, речиси целосно преброените гласови покажуваат убедлива победа – 138 од вкупно 199 места – што ѝ дава на новата влада силен мандат за длабоки реформи. Сепак, за пазарите, клучната вест не е само политичката промена, туку и она што таа го симболизира: потенцијалниот крај на долгиот период на затегнати односи со Брисел. Инвеститорите веќе го вклучуваат сценариото за подобрување на односите со Европската Унија во цените. Во центарот на ова очекување се околу 18 милијарди евра замрзнати европски фондови. Нивното деблокирање би можело да ги стабилизира јавните финансии, да ја зајакне инвестициската активност. да го намали притисокот врз валутата… Затоа не е изненадувачки што заедно со форинтата, пораснаа и унгарските акции и обврзници – сигнал за поширока доверба во можно економско ресетирање. Аналитичарите на Голдман Сакс велат дека брзото признавање на поразот сугерира непречена транзиција на власта – клучен фактор за одржување на довербата на пазарот. Тие особено го истакнуваат најавата на новата влада дека ќе работи на исполнување на Мастришките критериуми до 2030 година, што би можело да ја отвори вратата за Унгарија да се приклучи кон Еврозоната на долг рок. Таквата насока подразбира пониска инфлација, пад на приносот на државните обврзници, поголема фискална дисциплина. Со други зборови, пазарите не реагираат само на политичките промени – туку и на очекуваната промена во економската парадигма. Новата политичка фигура која ја потресе унгарската сцена доаѓа од самото срце на системот што сега го сруши. Петер Маѓар, 45-годишен адвокат и поранешен владин инсајдер, се трансформираше од релативно непознат актер во клучна политичка сила за помалку од две години. Неговиот подем започна во 2024 година, кога јавно проговори за корупцијата и злоупотребите во системот, брзо стекнувајќи кредибилитет кај гласачите. Неговата стратегија комбинираше: силна работа на терен и директна комуникација со гласачите; интензивно присуство на социјалните мрежи; сликата на „човекот внатре“ што го разоткрива системот. За некои, прагматичен и цврст лидер, за други симбол на промени – но за пазарите, пред сè, фактор на стабилизација. Пазарите го толкуваат падот на владата на Виктор Орбан како потенцијален крај на периодот на политичка изолација и економски тензии со Европската Унија. Ројтерс потсетува дека зголемувањето на цените, економското забавување и незадоволството од концентрацијата на моќ беа клучните фактори што доведоа до изборниот пораз. Промената на владата може да има и пошироки европски импликации. Орбан, на пример, блокираше важен пакет помош од ЕУ за Украина во вредност од 90 милијарди евра. Неговото заминување отвора простор за деблокирање на ваквите одлуки. Девизниот пазар често дава најбрза и најискрена проценка на политичките настани – и овој пат пораката е јасна. Зајакнувањето на форинтата сугерира дека инвеститорите очекуваат постабилна политичка средина, попредвидлива економска политика, поблиска соработка со Европската Унија … Со други зборови, пазарите веќе „гласаат“ за новиот правец на Унгарија. Иако вистинските ефекти од промената на владата ќе зависат од конкретните потези на новата влада, финансиските пазари веќе ја донесоа својата прелиминарна пресуда. Растот на форинтата не е само краткорочна реакција – тој е одраз на очекувањето дека Унгарија влегува во фаза на поголема стабилност, институционална нормализација и економско закрепнување. Дали овие очекувања ќе се остварат ќе зависи од брзината и конзистентноста на реформите. Но, едно е сигурно: инвеститорите веќе зазедоа позиции за сценариото за промена.

Владата на канцеларот Фридрих Мерц мора да преземе итни мерки за да го олесни товарот врз земјоделците кои се соочуваат со зголемување на трошоците за гориво и ѓубрива, изјави во неделата за ДПА Јоаким Руквид, раководител на Германското здружение на земјоделци. „Овие огромни трошоци ги задушуваат нашите земјоделски економии. Доколку не се донесе брза одлука, обемот на жетвата би можел да се намали, а цените на храната би можеле значително да се зголемат од летото“, предвиде Руквид. Коалициските партнери на Мерц се состанаа во саботата и повторно ќе се состанат во недела за да разговараат за ефектите од војната со Иран врз цените на енергијата, заедно со планираните реформи. Избувна јавен тристран судир околу тоа какви мерки да се преземат помеѓу канцеларот Рајхе, кој е од конзервативната Христијанско-демократска унија (ЦДУ) на Мерц, и министерот за финансии Ларс Клингбеил од СПД. Руквид рече дека данокот на јаглерод диоксид на дизелот треба привремено да се намали, додека цените на ѓубривата треба да се следат, а надоместокот за CO2 од ѓубривата треба привремено да се укине. Ѓубривата што содржат азот скокнаа на глобалните пазари до 40%, а цените за германските земјоделци се зголемија за 30% во споредба со претходната година, рече тој. Додаде дека ѓубривата се неопходни, во спротивно приносите и квалитетот би се намалиле. Германската група за заштита на потрошувачите и животната средина „Фудвоч“ рече дека војната во Иран не треба да се користи како изговор за промовирање на агендата на прехранбениот сектор. Наместо да бара субвенции, секторот мора да се направи помалку зависен од фосилните ресурси, рече шефот на „Фудвоч“, Крис Метман. Метман додаде дека органските земјоделци во моментов имаат предност бидејќи не им се потребни енергетски интензивни ѓубрива што нормално се транспортираат преку Ормускиот теснец. Тој повика на укинување на даноците на овошјето, зеленчукот и мешунките за да им се помогне на потрошувачите.

Кога младите влегуваат на пазарот на труд, тие носат амбиција, енергија и високи очекувања. Но, многу брзо се соочуваат со прашањето: Дали реалноста навистина одговара на тоа што го замислувале? Новите генерации најчесто очекуваат: Тие не сакаат „само работа“ туку искуство, развој и влијание. Од друга страна, компаниите често нудат: Резултатот? Јаз помеѓу очекувањата и реалноста. 1. „Сакам веднаш да напредувам“ vs. „Докажи се прво“ Младите сакаат брз раст, компаниите бараат трпение. 2. „Сакам флексибилност“ vs. „Имаме правила“ Новите генерации бараат слобода, системите често се традиционални. 3. „Сакам смисла“ vs. „Имаме задачи“ Работата не секогаш доаѓа со „purpose“ од првиот ден. Компаниите треба да: Младите треба да: Вистината е некаде на средина. Кога овие две страни ќе се разберат се создава вистинска вредност. Прашање: Дали мислите дека младите бараат премногу или компаниите нудат премалку? Прочитај и за: Што е поважно: Плата или работна култура? Тагови: HR трендови пазарот на труд Сончево време со умерена облачност. Ќе дува умерен ветер од југоисточен правец, а дожд на Повардарието повремено ќе се засилува и на места ќе достигнува брзина над 60 km/h. Во Скопје ќе преовладува сончево време со умерена облачност, проследено со умерен до повремено засилен ветер од југоисточен правец. Временска прогноза за Скопје . За другите градови кликни ТУКА . „Колку е платата?“ Ова е првото прашање што си го поставуваме. Но вистинското прашање е: Колку долго ќе останете поради таа плата? Во денешниот пазар на труд, платата привлекува но културата задржува. Без конкурентна плата: Да, платата е основа. Но… таа ретко е причината зошто некој останува со години. Луѓето остануваат таму каде што: Културата не се пишува во оглас се чувствува секој ден. Што се случува кога има плата, но нема култура? Висока плата + лоша култура = краткорочно решение И ова има лимит. Колку и да е добра атмосферата: Ако платата не е фер, незадоволството расте Вработените почнуваат да бараат алтернативи Добра култура + лоша плата = одложен проблем Најуспешните компании не избираат едно или друго. Тие градат: Платата ви дава причина да дојдете на работа. Културата ви дава причина да останете. Ако треба да изберете ќе привлечете со плата, но ќе задржите со култура. Прашање: Што вас ве задржува на работа, платата или луѓето? прочитајте и за: Дали четири дневна работна недела е реалност кај нас? Тагови: HR трендови Велигденските јајца се еден од најпрепознатливите симболи на Велигден, а нивното боење не е само традиција, туку има и длабоко симболично значење. Секоја боја носи своја порака, поврзана со верата, животот и обновата. Најважната и најчеста боја е црвената . Таа го симболизира крвта на Исус Христос , но и животот, љубовта и жртвата. Првото јајце што се бојадисува традиционално е црвено и се чува во домот како заштита и благослов за семејството. Жолтата боја се поврзува со светлината, сонцето и новиот почеток . Таа симболизира радост, надеж и духовно просветлување. Зелената боја ја претставува природата, растот и обновата, што е особено значајно бидејќи Велигден доаѓа во пролет. Сината боја најчесто се поврзува со мирот, спокојството и духовноста . Таа симболизира вера и стабилност. Виолетовата, пак, е боја на покајание и духовна длабочина , често поврзана со постот пред Велигден. Покрај нив, постојат и други бои со свое значење, портокаловата означува енергија и топлина, розовата љубов и нежност, додека белата симболизира чистота и нов живот. Иако денес многу луѓе ги бојадисуваат јајцата во различни бои и шари повеќе од естетски причини, симболиката останува важен дел од традицијата. Таа нè потсетува на суштината на празникот, верата, надежта и новиот почеток. Тагови: велигден обичаи традиции јајца бои

XChat пристигнува на iPhone и iPad како нова апликација за допишување, со end-to-end енкрипција и дополнителни безбедносни опции Платформата X подготвува лансирање на нова самостојна апликација за допишување под името XChat. Новата апликација на iPhone и iPad уредите се очекува да се појави веќе во средината на април. Според информациите на порталот 9to5Mac, апликацијата веќе е достапна за преземање преку App Store во форма на претнарачка, со најавен датум на излегување на 17 април. XChat е замислена како издвоена апликација за приватна комуникација во рамки на X екосистемот. Фокусот е ставен на безбедност и едноставност. Описот на апликацијата наведува дека им овозможува на корисниците да се допишуваат со било кого на платформата во „приватен простор за разговор“. За разлика од основната апликација, оваа нема да прикажува реклами ниту да користи следење на корисниците, додека пораките се заштитени со end-to-end енкрипција. Меѓу функциите кои веќе се прикажани во preview верзијата се блокирање на скриншоти, исчезнувачки пораки, групен чат и видео повици. Апликацијата е во развој и фаза на тестирање уште од минатата година. Лансирањето претставува дел од пошироката стратегија на платформата X за унапредување на приватната комуникација и нејзино издвојување во посебен производ.

Трговијата на мало, угостителството и дел од услужните дејности ќе бидат под засилен фокус на даночните власти како најризични сегменти за неформалната економија. Активностите на УЈП за намалување на неевидентираниот готовински промет и „сивите“ трансакции остануваат насочени кон овие дејности, но со проширен надзор низ целиот синџир на снабдување – од набавка до продажба. Овој пристап е дел од новиот План за подобрување на усогласеноста – Неформална економија 2026–2027, кој УЈП го донесе како стратешки документ заснован на современиот концепт на управување со ризици. Наместо класичен пристап базиран само на контроли и санкции, фокусот се става на рано препознавање на ризиците и нивно адресирање преку комбинација од превенција, советување, таргетирани инспекции и системски мерки. Планот претставува продолжение на активностите спроведени во 2025 година, но со проширен опфат и порафинирана методологија. Освен класичните ризици како неиздавање фискални сметки, УЈП ќе ги следи и пошироките модели на неформално работење – плаќања во готово, набавки без евиденција и исплати „во коверт“ на неформално ангажирани лица. Дополнително, под лупа ќе биде ставено и краткорочното туристичко сместување, особено услугите што се нудат преку дигитални платформи, како сегмент кој брзо расте, но носи и зголемен ризик од непријавени приходи. Во следниот период се предвидува засилување на превентивните и информативните активности, преку подобра координација со други институции и поголема едукација на даночните обврзници. Намерата е компаниите и граѓаните не само да бидат контролирани, туку и да бидат насочени кон доброволно и долгорочно почитување на законските обврски. Контролите, пак, ќе станат попрецизни и поефикасни. Наместо да се сведуваат само на проверка на каси и документи, инспекциите ќе ја анализираат реалната економска активност – капацитетот на бизнисот, бројот на вработени, побарувачката и залихите, со цел да се открие евентуално прикриен промет. Воедно, ќе се применуваат и индиректни методи за процена на неевидентираните приходи. Меѓу системските мерки се предвидува и надградба на ГПРС системот за следење на готовинскиот промет во реално време, што треба да овозможи побрзо откривање на ризични однесувања. Крајната цел е намалување на неформалната економија и трансформирање на „сивите“ активности во формално работење. Успехот на мерките ќе се мери преку конкретни индикатори, пред сè преку растот на пријавениот промет кај бизнисите во таргетираните сектори.

Иван Римац, познатиот хрватски претприемач и татко на Мате Римац, почина вчера на 64-годишна возраст, пишува „Јутарњи лист“. „Во име на семејството Римац, можеме да потврдиме дека нашиот сакан сопруг, татко и дедо, Иван Римац, почина вчера во својот дом во Самобор. Семејството моли за приватност во овие тешки времиња“, е пораката на семејството Римац. Иван Римац беше првиот сериозен инвеститор во раниот развој на компанијата „Римац Автомобили“ на неговиот син Мате Римац. Тој го обезбеди почетниот капитал за првите прототипови и со години беше претседател на Надзорниот одбор на компанијата. Подоцна поднесе оставка од таа позиција. Неговата деловна кариера беше обележана и со долг судски процес. Во случајот со компанијата „Славонија ДИ“ од Славонски Брод, која ја презеде во 2002 година, во јуни 2024 година беше осуден на три години затвор за кршење на довербата во деловните трансакции. Казната беше суспендирана од здравствени причини, пишува Јутарњи.хр.

На девизните пазари влезот во викендот донесе помирна слика отколку во деновите на најсилна геополитичка неизвесност. Американскиот долар остана релативно стабилен, додека еврото и британската фунта забележаа благ раст, што упатува на враќање на дел од апетитот за ризик кај инвеститорите по смирувањето на тензиите околу Блискиот Исток. Еврото на последните расположливи референтни нивоа се движеше околу 1,1711 долари, што ја потврдува неговата зајакната позиција во однос на американската валута. Истовремено, фунтата во претходните денови се искачи до околу 1,34 долари и го забележа најсилниот неделен раст од јануари, иако останува чувствителна на понатамошниот развој на енергетската и геополитичката состојба. Зад ваквото движење стои промената во расположението на пазарите. Во периодот на силна неизвесност доларот повторно ја играше улогата на засолниште, но по сигналите за примирје и олеснување на притисокот врз енергетските текови почна да губи дел од тој моментум. Тоа им отвори простор на европските валути да закрепнат, особено по силниот пад на цената на нафтата и подобрените очекувања дека шокот врз глобалната економија барем краткорочно може да се ублажи. Сепак, движењата остануваат умерени, а не пресвртни. Девизните пазари и натаму се многу чувствителни на секоја нова политичка изјава, на состојбата со енергентите и на очекувањата за каматните стапки во САД, еврозоната и Велика Британија. Тоа значи дека доларот засега не слабее драматично, туку повеќе мирува, додека еврото и фунтата користат простор за благо закрепнување.

ВО ЕУ, ДИЗЕЛОТ Е ПОСКАП ЗА 30%, БЕНЗИНОТ ЗА 15%: Македонија има пониски цени на горивата од европскиот просек Која е жената што го наследи OnlyFans?

С ветот се соочува со невидена инвазија на лажни пари која ја тресе глобалната економија во оваа 2026 година. Фалсификувањето повеќе не е само занает на поединци во темни подруми. Оваа криминална активност сега користи најсовремен технолошки напредок и вештачка интелигенција за создавање на совршени копии. Најновите анализи откриваат дека зад овие операции често стојат и државно поддржани програми со цел дестабилизација на странски валути. Финансиските институции се во состојба на висок аларм додека милиони лажни банкноти циркулираат низ рацете на ништо неподозирачките граѓани. Ова е тивок финансиски тероризам кој го гризе самиот темел на довербата во готовината. Никој не е целосно безбеден од овој бран на висококвалитетни фалсификати кои ги преплавуваат пазарите од Америка до Азија. Американското Министерство за финансии проценува дека во секој момент циркулираат до 200 милиони лажни долари. Тоа значи дека на секои 10.000 оригинали веќе демне по една фалсификувана банкнота подготвена да направи штета. Европа исто така не е имуна на овој криминален феномен. Операцијата на Европол под името „DECOY III“ во февруари 2026 година спречи влез на неверојатни 1,2 милијарди евра лажен кеш. Полицијата пресретна над седум милиони банкноти и монети кои требаше да завршат во прометот. Најчести мети на криминалците се банкнотите од 20 и 50 евра кои најбрзо се разменуваат во секојдневието. Како една од најголемите закани за светскиот финансиски поредок се посочува Северна Кореја. Нивниот таканаречен супердолар е толку прецизно изработен што речиси е невозможно да се открие без специјална опрема. Се верува дека Пјонгјанг со децении произведува фалсификати на индустриско ниво за финансирање на нуклеарни програми. Овие банкноти се дистрибуираат преку тајни дипломатски канали измешани со легални пари. Покрај доларот сега масовно се појавуваат и фалсификувани банкноти од 200 евра со врвен квалитет. Индустриското производство на лажни пари стана моќно оружје во рацете на изолираните режими. Одговорот на централните банки е брутален и вклучува употреба на софистицирана вештачка интелигенција. Новите супербанкноти изработени со 3Д-печатење сега се детектираат преку специјални алгоритми во реално време. САД и Европската централна банка постојано ги менуваат заштитните елементи за да останат чекор пред фалсификаторите. Сепак експертите предвидуваат дека готовината полека ќе исчезне од употреба. До 2035 година кешот би можел да изнесува само 5 отсто од вкупните плаќања во светот. Но преминот кон дигитални валути остава дигитална трага која целосно ја убива приватноста на граѓаните.

Саудиска Арабија во неделата соопшти дека целосно го обновила капацитетот за пумпање нафта на својот гасовод Исток-Запад на околу седум милиони барели дневно, неколку дена по проценката на штетата врз енергетскиот сектор за време на нападите во конфликтот со Иран. Министерството соопшти дека електраните и цевководите погодени за време на конфликтот се поправени и дека оперативниот капацитет е целосно обновен. Ријад не прецизираше кој ги извршил нападите, но рече дека кралството пресретнало бројни ирански ракети и беспилотни летала во последните недели. Нападите, исто така, ги нарушија клучните нафтени, гасни, рафинериски, петрохемиски и енергетски постројки во Ријад, Источната покраина и индустрискиот град Јанбу. Саудиска Арабија во четвртокот соопшти дека нападите го намалиле нејзиниот капацитет за производство на нафта за околу 600.000 барели дневно, додека протокот низ гасоводот Исток-Запад е намален за околу 700.000 барели дневно. Гасоводот беше единствената рута за Саудиска Арабија за извоз на сурова нафта по затворањето на Ормутскиот теснец. Ројтерс во средата објави дека Иран го нападнал гасоводот само неколку часа откако бил договорен прекин на огнот. Министерството соопшти дека засегнатите количини се надополнуваат од нафтеното поле Манифа, каде што производството претходно беше намалено за околу 300.000 барели дневно. Во тек е работа за целосно обновување на производството во објектот Кураис откако нападите дополнително го намалија капацитетот на Саудиска Арабија за уште 300.000 барели дневно, се вели во соопштението. Додадено е дека брзото закрепнување би придонело за „сигурноста и континуитетот на снабдувањето на локалните и глобалните пазари“.

На Фејсбук страницата „Балканци во Германија“, деновиве се појави објава што предизвика вистинска лавина од коментари. Едноставно прашање за месечните трошоци за храна се претвори во дискусија со повеќе од 1.400 одговори, а бројките што луѓето ги споделија варираа многу. Сè започна со објава од корисник кој сакаше да провери дали троши премногу или дали неговиот пријател само е нереален. „Здраво тиме, имам кратко прашање. Колку реално трошите за храна месечно овде во Германија? Еве ме седам со еден пријател, тој вели дека тој и неговата сопруга трошат 300 евра и дека ништо не им недостасува, купуваат во Лидл и Алди на распродажби. Му велам дека претерува, бидејќи јас и моите трошиме 800 евра, а не купуваме ништо посебно, нормална храна и овошје. Дали фрлам пари или тој живее на тестенини и паштета? Колку трошите за храна месечно, пишете искрено за да видите кој греши тука?“ Одговорите почнаа брзо да се собираат, а опсегот на месечни трошоци изненади многумина. Од скромни до високи износи Некои тврдат дека со внимателно планирање може да се снајде релативно евтино. „Двајцата имаме околу 400 до 500 евра, а готвиме секој ден, ништо не ни недостасува и ништо не трошиме. Среќен е оној на кого му треба малку, а не оној на кого му е многу.“ Од друга страна, има и такви чии трошоци се значително поголеми, дури и кога живеат сами. „Јас живеам сам со куче и под 1.000 евра месечно не е доволно. Ако сакате да живеете долго и здраво, избегнувајте ги тие промоции во Алди и Лидл. Знаете што оди на распродажба, стоки што наскоро истекуваат. Кој ќе заштеди на храна, подоцна ќе потроши на лекови.“ Семејствата најмногу се издвојуваат Како што се очекуваше, најголемите износи ги издвојуваат семејствата со деца, иако и таму нема една единствена бројка. „Од 800 до 1.200 евра, во зависност од месецот, семејство од четири члена“. „Твојот пријател претерува. На четиричлено семејство му се потребни од 800 до 1.000 евра месечно само за храна, а хигиената е дополнителен трошок.“ Сепак, некои веруваат дека можете да живеете добро со помалку. „Јадете нормално и уживајте, 700 до 800 евра за четиричлено семејство е реална сума за храна“. Разлики во навиките и изборот на храна Навиките за јадење и изборот на продавници очигледно играат голема улога. Додека некои купуваат исклучиво на распродажба, други избираат поскапи, органски одгледувани производи. „Јас купувам органски производи и трошам околу 200 евра. Не разбирам како некои луѓе трошат толку многу за храна.“ Има и такви што комбинираат различни продавници за да ги намалат трошоците. „Јас и мојот сопруг живееме сами, па трошиме околу 550 до 600 евра. Пазаруваме во Алди и Лидл, а понекогаш и во Едека и Ревју.“ Некои се потсетија и на поранешни времиња кога цените беа значително пониски. „Кога живеевме во Германија пред сите овие зголемувања на цените, односно пред две години, трошевме од 600 до 700 евра месечно со мало бебе.“ © Vecer.mk, правата за текстот се на редакцијата Ние добро се држиме но, ЕВРОПА ПОЛУДЕ СО ЦЕНИТЕ ЗА БЕНЗИНИТЕ. КОГА ЌЕ СЕ ВРАТАТ СТАРИТЕ ЦЕНИ? ЕКСПЛОЗИЈА НА ЦЕНАТА НА НАФТАТА од Северното Море

Бруто домашниот производ наскоро би можел да биде заменет или придружен од нов индикатор кој би бил битен за инвеститорите при донесување одлуки. Новиот економски индикатор се предлага како клучен параметар за проценка на националната и индустриската конкурентност и ја мери достапноста на ресурсите за вештачка интелигенција на национално ниво. Со влегувањето во 2026 година, вештачката интелигенција престана да биде исклучиво технолошка новина и стана клучен стратешки капитал што ја обликува економската конкурентност, но и воените способности на државите. Според податоците од Морган Стенли кои анализирале 3.600 акции, дури 21% од компаниите од индексот кој ја следи вредноста на акциите на 500 најголеми компании котирани на американските берзи, денес посочуваат конкретни предности од користењето на вештачката интелигенција, што е значителен скок во споредба со 10% во 2024 година. Пазарот повеќе не го почитува самото „спомнување“ на вештачката интелигенција и нејзиното декларативно прифаќање, туку бара јасни докази за нејзина монетизација, велат аналитичарите. По ова, како и по неодамнешните изјави на првиот човек на Нвидиа, Јенсен Хуанг, дека „компјутерската моќ е новата економија“, Морган Стенли предлага воведување на концепт на „бруто домашна интелигенција“ (БДИ) како клучен параметар за проценка на националната и индустриската конкурентност. Овој економски индикатор би ја мерел достапноста на ресурсите за вештачка интелигенција на национално ниво, фокусирајќи се првенствено на инфраструктура како што се графички процесори, мрежна опрема и центри за податоци. Според проценките на експертите, инвеститорите би можеле многу скоро да почнат да го користат БДИ како неизбежен фактор при донесување инвестициски одлуки. Според сегашните проценки на БДИ, доминираат САД кои контролираат голем дел од вкупната светска компјутерска моќ за вештачка интелигенција. На второ место е Кина. Кога податоците се гледаат на ниво на корпорации, американската доминација е уште поизразена.

М акедонската земја конечно почнува да ги открива своите најдлабоки тајни додека светот со завидлив поглед гледа кон нашите ридови во оваа 2026 година. Најавата за експлоатација на антимон кај Крива Паланка е вистинска економска бомба која нè става на глобалната мапа на ретки метали. Ова не е само обично копање туку шанса за историско позиционирање на Македонија како клучен извозник на суровини за модерната технологија. Додека рударите се подготвуваат да влезат во утробата на земјата мораме да се запрашаме дали го користиме нашето најголемо богатство кое ни е пред очи. Под нашите нозе лежи неверојатен економски бенефит кој со децении го игнорираме поради лоши политики и недостаток на визија. Време е за пресврт кој ќе ги обедини традиционалното рударство и модерните нужди на оваа нова деценија. Македонија отсекогаш била позната по своите богати наоѓалишта на олово, цинк, бакар и злато кои се темел на нашата индустрија. Посебен куриозитет е локалитетот Алшар на планината Кожуф каде се крие мистериозниот минерал лорандит. Овој редок материјал има огромно научно значење и е вистински магнет за светските истражувачи. Македонскиот потенцијал за рударски развој е практично неограничен доколку се пристапи со вистинска стратегија. Државата мора да го искористи овој „скрит џокер“ за да го подигне животниот стандард на целото општество. Додека институциите се фалат со она што го имаме под земјата забораваме дека вистинскиот рудник е токму на површината. Македонија располага со огромни обработливи површини кои стојат пусти и заборавени од државната поддршка. Недозволиво е во 2026 година да бидеме зависни од увоз на храна која можеме да ја произведеме со врвен квалитет. Нашите полиња можат да родат многу подобар домат или ориз од оној што го купуваме во супермаркетите по вртоглави цени. Почвата е наш најмоќен ресурс кој само чека вредни раце да го разбудат од сонот. За да го оживееме македонското село се потребни храбри потези и драстично подобро насочени субвенции за вистинските земјоделци. Државната политика мора да се фокусира на аграрен препород кој ќе ја направи Македонија извозен лидер на здрава храна. Почвата не е само песок и камења туку извор на живот и стабилност за секое семејство. Мораме да го смениме менталитетот и да сфатиме дека земјоделството е нашиот најголем и најбезбеден рудник. Прашањето е само дали ќе имаме храброст да посееме успех или ќе продолжиме да гледаме како ни пропаѓа златото на нивите.

Македонија го држи неславното место во Европа на земја со највисока невработеност, додека неколку земји од регионот се меѓу оние со најмал процент невработени. Новата мапа на невработеност за 2026 година покажува значителни разлики меѓу европските земји, а Македонија, со стапка од 11,4 проценти, е најлошо рангирана меѓу земјите со поизразени проблеми на пазарот на трудот, заедно со Босна и Херцеговина со 11,2 и Косово со 11 проценти. Полоша е единствено Укрфаина која е зафатена со војна, со стапка од 12 проценти. Од друга страна, повеќе земји од непосредното или од поблиското соседство се меѓу најдобрите на Стариот континент, како на пример Бугарија со стапка на невработеност од 3,1, Словенија со 3,9, како и Хрватска која што бележи значително пониска стапка од 4,5 проценти. Хрватска е класифицирана во средината на европскиот опсег и меѓу поуспешните земји од Југоисточна Европа, иако сè уште заостанува зад голем број западни земји. Разликите во Европа, но и во регионот се големи. Така Србија има стапка на невработеност од речиси девет проценти, што потврдува дека Југоисточна Европа останува една од почувствителните области кога станува збор за вработување. На ниво на Европската унија, најниски стапки на невработеност се регистрирани во Чешка со околу 3,1 процент и Полска со 2,2 проценти, додека највисоки вредности се регистрирани во делови од Јужна и Источна Европа – Шпанија 9,8 проценти, Украина 12 проценти. Ситуацијата во БиХ укажува на потребата од посилни економски и пазарни реформи со цел да се намали невработеноста и да се приближи до нивото на соседните земји. Хрватска има релативно стабилна позиција, но разликата во споредба со поразвиените членки на ЕУ сè уште постои, пишува Дневно.хр.

Станува збор за заштитниот знак „Кока-кола“, кој ќе се користи за продажба на безалкохолни пијалаци со овошен вкус, газирана вода, освежителни напитоци, како и есенции за подготовка на пијалаци. Регистрацијата е со важност од десет години. Компанијата и претходно ги продолжуваше ексклузивните права на одредени заштитни знаци, што укажува на настојувањето да ја задржи правната контрола врз брендот на рускиот пазар, без оглед на актуелната суспензија на деловните активности. © Vecer.mk, правата за текстот се на редакцијата Колку сексуални партенри за еден живот: МЛАДИТЕ И ВОЗРАСНИТЕ НЕМААТ ИСТИ ИСКУСТВА Трамп најави УФЦ борба во Белата куќа за својот 80-ти роденден

Тој за иранските медиуми изјави дека активностите за санација се веќе започнати, а дел од рафинеријата Лаван, на истоимениот остров на југот на Иран, би можел да продолжи со работа во рок од десетина дена. Останатите капацитети ќе се враќаат во функција постепено. Иранските нафтени и гасни постројки, вклучувајќи ги и клучното поле Јужен Парс и рафинеријата Лаван, беа цел на интензивни напади од САД и од Израел во март, што доведе до раст на цената на нафтата на околу 120 долари за барел. © Vecer.mk, правата за текстот се на редакцијата Преговори? ЗАВРШИЈА ПО ЖЕСТОКА КАГВА ДО ТЕПАЧКА ПОМЕЃУ ВИТКОФ И АРГАЧИ Полицијата во Њујорк застрела маж кој со мачета нападна патници во метрото

Холандија стана првата држава во Европа која на возачите на автомобили „Тесла“ им дозволи да ја користат функцијата за автономно возење под услов да останат во возилото и внимателно да ги набљудуваат дејствијата на системот, соопшти националната служба за безбедност на патиштата, цитирана од ДПА.

Препораките за чување готовина дома првпат се појавија во Естонија, поради ризикот од нарушување на системите за плаќање и трансакции. И покрај ова, истражувањата покажуваат дека употребата на готовина во Естонија се намалува и дека сè поголем број граѓани претпочитаат дигитални плаќања, што е дополнителна причина за привлечноста на централната банка таму. Министерот за финансии на Полска смета дека е разумно да се има одредена сума готовина дома, особено во случај на краткорочни проблеми со електронските плаќања. Затоа, во Естонија се појавија препораки за паричните залихи, а тие се поврзани со можноста за технички дефекти во системите за електронски трансакции. Иако Полјаците традиционално чуваат дел од своите заштеди во готовина, темата повторно стана актуелна во контекст на финансиската безбедност и промените во системите за плаќање. Естонската централна банка ги советуваше граѓаните да бидат подготвени за можни нарушувања во функционирањето на услугите за плаќање и да имаат одредена сума готовина дома. Ова го поставува прашањето дали сличен пристап би имал смисла во Полска. За време на ТВ-емисијата „Графити“, министерот за финансии Анджеј Домански зборуваше за оваа пригода. На прашање на новинарот Марчин Фијолко, Домански истакна дека Полјаците веќе го чуваат својот имот во физичка форма во голема мера. „На Полјаците не треба да им го препорачуваме тоа, бидејќи како општество веќе чуваме голем дел од нашите заштеди во готово“, рече Домански. Во исто време, тој додаде дека е разумно да се има барем мала резерва пари дома. „Секако, мислам дека секој треба да има пари издвоени за непредвидени ситуации. Доколку се појават апсолутни кризни околности“, додаде министерот за финансии. Домански нагласи дека не треба да се претпоставуваат екстремни сценарија за оваа препорака да има смисла. „Не мора да биде војна или големи настани“, рече тој. Како пример, тој наведе претходни случаи на привремени проблеми во работењето на платните системи. „Имавме таква ситуација минатата година“, се присети Домански, додавајќи дека не сака да дава недвосмислен совет. „Нема да давам конкретни препораки, но секако треба да бидете подготвени за ситуација во која системот за плаќање не работи неколку часа“, заклучи полскиот министер за финансии, пренесе Блиц.

Акциите на „Тесла“ (TSLA) паднаа осма недела по ред, бидејќи компанијата продолжува да се бори да се справи со тешкиот почеток на 2026 година, а приходите од првиот квартал треба да се објават подоцна овој месец. Акциите на „Тесла“, иако малку повисоки во раното тргување во петокот, паднаа за 3,2% оваа недела, објавувајќи осма недела по ред со загуби. Акцијата е во пад од 22,4% за годината, додека S&P 500 (^GSPC) во суштина остана стабилен. Иако „Тесла“ тргува сезонски во повеќето години, при што првата половина е типично предизвикувачка, инвеститорите бараат нешто што ќе ја поттикне акцијата. Компанијата предводена од Илон Маск треба да ја претстави третата верзија на својот робот Оптимус овој месец. Нема неодамнешни вести за тоа, што остава неизвесно ажурирање за април. Во меѓувреме, „Тесла“ сè уште не продала ниту еден робот, иако Маск вели дека роботите се користат со ограничен капацитет во фабриките на „Тесла“. Киберкаб-возилото на „Тесла“ го достигна својот производствен пресврт во првиот квартал, а извештаите покажуваат дека Киберкаб-возилата се наоѓаат на паркинзите во Гига Остин. Кога овие електрични возила ќе бидат пуштени во продажба е друга приказна, бидејќи е тешко да се добијат ажурирања за робот-такси-возилата. „Тесла“ сè уште ги управува своите робот-такси и услуги за споделено возење во Остин, Тексас и областа на заливот Сан Франциско, но возењата сè уште се надгледувани, со безбедносни возачи во секое возило. Кога возниот парк ќе стане целосно без надзор, со додадени дополнителни територии, тоа ќе биде голема пресвртница за „Тесла“. Во меѓувреме, робот-такси-услугата Waymo на Alphabet (GOOG, GOOGL) е во голема мера без надзор, а Waymo додава нови области на услуги на секои неколку месеци. Иако неговите потфати со вештачка интелигенција и роботика се она што се чини дека ја движи високата проценка на „Тесла“, со коефициент цена-заработка од 172, според Yahoo Finance, вестите од автомобилската индустрија што се смета за нејзин главен извор на услуги би можеле да бидат голем поттик. Ројтерс во четврток објави дека „Тесла“ развива поевтин електричен теренец, повикувајќи се на четири лица запознаени со ова прашање. „Тесла“ неодамна контактираше со добавувачите за да разговара за производствените процеси и спецификациите на компонентите за новото возило. Сепак, во извештајот се забележува дека сè уште е рано и дека компанијата не направила никакви конкретни планови за продолжување на производството. Новите возила во нов пазарен сегмент би биле добредојдени вести за опаѓачката продажба на „Тесла“. Порано овој месец, „Тесла“ објави дека испорачала 358.023 возила на глобално ниво, што е зголемување од 6,3% во однос на претходната година, иако вкупниот број на компанијата од минатата година е лоша споредба бидејќи првиот квартал од 2025 година беше негативно погоден од транзицијата кон новиот Модел Y, што влијаеше на производството и продажбата.

Вистинскиот идентитет на Сатоши Накамото, мистериозниот творец на Биткоин, е една од најголемите тајни на дигиталната ера. Некои се прашуваат дали станува збор за интелигентен Јапонец, или некој што само ја презема таа улога. И уште поважно, дали таа личност поседува милијарди вредни Биткоин монети? Од објавувањето на белата книга за Биткоин во 2008 година, оваа мистерија ги заинтригира ентузијастите ширум светот. Сега, медиумскиот гигант Њујорк Тајмс излезе со тврдење дека го пронашол човекот зад псевдонимот: британскиот криптограф Адам Бек.

Државните обврзници често се сметаат за најсигурна инвестиција, но нивното движење открива многу за тоа како пазарите ја проценуваат економската состојба. Кога приносите растат, тоа обично значи дека инвеститорите бараат поголема компензација за ризикот што го преземаат. Во поткастот „Каде се парите? со Горан Теменугов“, Горан Марковски од КБ Инвест објаснува дека повисокиот принос е директно поврзан со пад на цената на обврзницата. Тој укажува дека односот меѓу цена и принос е клучен за разбирање на движењата на пазарите. Рочноста на обврзницата дополнително влијае на нивната чувствителност на ризик. Во моментов најсигурни обврзници не се американските. Кои се, одговорот е во поткастот. „Тоа покажува дека инвеститорите бараат поголем принос, односно сметаат дека вложувањето има поголем ризик и заради тоа оценуваат дека е потребно по пониски цени да ги купат обврзниците за да го обезбедат тој повисок принос. Така е соодносот помеѓу принос и цена. Колку што е повисок бараниот принос, толку е пониска цена. Исто така на оваа поврзаност се надодава и временскиот период, односно рочноста на обврзницата. Колку е подолга обврзницата, толку поголем е ефектот врз цената кога се зголемува приносот. “

Секој добар тим има јасни правила за работа. Меѓу нив, се издвојува „правилото од десет проценти“, кое го ограничува времето поминато во планирање. Идејата е едноставна – да не се потроши повеќе од една десетина од периодот за кој се однесува планот. Студиите на успешни организации покажуваат дека предолгото планирање ја намалува ефикасноста. Фокусот мора да се префрли од дискусија кон имплементација. Што значи „правилото од десет проценти“? Правилото диктира дека планирањето не треба да трае подолго од десет проценти од вкупната временска рамка. Ако планирате за една година, максимумот е околу пет недели. Ако планирате за квартал, доволно се шест до седум дена. Ограничувањето го штити тимот од бесконечни состаноци. Ова остава повеќе простор за вистинска работа и постигнување цели. Како големите компании го применуваат? Овој принцип беше популаризиран во пракса од Шишир Мехротра. Во разговор со Рид Хофман, тој истакна дека многу успешни компании развиле слична дисциплина за управување со времето. Канва планира квартално. Циклусите се именувани по годишните времиња, што му дава на тимот јасна структура и ритам. Компанијата „Волт Дизни“ користи петгодишни планови. Таквиот пристап е неопходен за големи инфраструктурни проекти и долгорочни инвестиции. Јутјуб комбинира стратешко и оперативно планирање. Без оглед на циклусот, временското ограничување останува јасно дефинирано. Зошто временското ограничување дава подобри резултати? Премногу планирање создава впечаток на продуктивност. Но, без имплементација, нема вистински напредок. Јасното временско ограничување ги забрзува одлуките и ја зголемува одговорноста. Помалите компании често работат во спринтови. Ако спринтот трае 15 дена, планирањето трае еден или два дена. Така, се одржува рамнотежата помеѓу стратегијата и акцијата. „Правилото од десет проценти“ е едноставна, но моќна алатка, пишува Бонитет. Заштедува време, го зачувува фокусот и го поттикнува спроведувањето. Наместо бесконечна анализа, тимот се фокусира на резултатите.

Цените на недвижностите во Европската Унија се зголемија за 5,5 проценти во последниот квартал од 2025 година во споредба со истиот период од претходната година. Сепак, некои земји, особено оние привлечни за туризам како Португалија, Хрватска и Шпанија, забележаа значително поголем раст, кој во некои случаи надмина 10 проценти. Експертите го наведуваат подобрувањето на условите за финансирање, првенствено стабилизацијата на каматните стапки, како клучен двигател на овој тренд, пишува Euronews. Подобрите услови за финансирање ја зголемија побарувачката „Движењата на цените на крајот на 2025 година беа обликувани од подобри услови за финансирање, што доведе до враќање на побарувачката“, изјави за Euronews Business Мајкл Полцлер, извршен директор на компанијата за недвижности REMAX Europe. „Со стабилизацијата на каматните стапки, купувачите кои претходно го одложија пребарувањето на домот се вратија на пазарот.“ Мик Калмет од „Глобал проперти гајд“ исто така посочи на закрепнување на побарувачката по зголемувањето на каматните стапки во 2023 и 2024 година. „Откако се стабилизираа Еурибор и општите банкарски стапки, пазарот малку се опорави бидејќи луѓето кои се двоумеа да купат во неизвесни времиња од крајот на 2024 година добија чувство на предвидливост“, рече тој. Силен раст во Португалија, Хрватска и Шпанија Унгарија забележа најголем годишен пораст на цените во четвртиот квартал од 2025 година, со раст од дури 21,2 проценти, според податоците на Евростат. „Унгарија, која е водечка во однос на растот, во последните години промовираше субвенционирани програми за купување недвижности, што ја зголеми побарувачката со силна активност на инвеститорите“, објасни за Euronews Business Кејт Еверет-Ален, раководител на истражувањето за европски станбени недвижности во Knight Frank. Во Еврозоната, Португалија се издвои со раст од 18,9 проценти и Хрватска со 16,1 процент. По нив следува Шпанија со зголемување на цените од 12,9 проценти. Еверет-Ален рече дека силната меѓународна побарувачка е клучен фактор во сите три земји. Побарувачката водена од промената на начинот на живот, купувачите на втор дом и странските инвестиции, вклучувајќи ги дигиталните номади и пензионерите, остана силна дури и кога трошоците за задолжување се зголемија за домашното население, особено на крајбрежните и урбаните пазари. Полцлер додаде дека најсилниот раст на цените во Португалија, Хрватска и Шпанија беше концентриран во клучните урбани и крајбрежни области каде што побарувачката беше највисока. „Во Португалија, растот на цените е поттикнат од многу ограничена понуда, особено во Лисабон, Порто и околината, но исто така и од целни мерки за државна поддршка“, рече тој. Тој објасни дека воведувањето на програмата за државни гаранции за млади купувачи на прв дом, која овозможува финансирање до 100 проценти од износот на хипотеката со државна гаранција до 15 проценти од вредноста на имотот, значително ја зголеми побарувачката. „Ова е очигледно пазар на продавачи, а ограничената понуда во комбинација со оваа мерка им овозможи на продавачите да задржат голема моќ на одредување цени“, заклучи тој. Други земји, исто така, забележаа двоцифрен раст Словачка (12,8%), Бугарија (12,6%), Латвија (11%), Литванија (10,8%) и Чешка (10,4%), исто така, забележаа силен раст на цените на куќите од повеќе од 10 проценти. Еверет-Ален истакна дека Централна и Источна Европа, заедно со Иберискиот Полуостров, постигнаа извонредни резултати во последните 12 до 18 месеци, што е во голема мера во согласност со посилниот раст на БДП. „Овие пазари, исто така, имаат корист од инвестициите во инфраструктурата и приливот на капитал, поттикнати од промените во животниот стил и поврзани со долгорочните економски перспективи“, рече таа. Калмет додаде дека цените во Централна и Источна Европа растат побрзо делумно затоа што приходите ги стигнуваат приходите со Западот, а цените на недвижностите започнаа од пониска основа. Растот на цените на куќите во Данска (7,6%), Ирска (7%), Романија (6,7%), Холандија (6,2%), Малта (6,1%), Кипар (6%), Словенија (5,8%) и Норвешка (5,7%) беше исто така над просекот на ЕУ, иако со помала маргина. Финска беше единствената земја меѓу 29-те европски пазари каде што цените на куќите паднаа, за 3,1 процент на годишна основа.

Промената на кариерата може да биде застрашувачка, но честопати е чекор кон поисполнет професионален живот. Многу луѓе остануваат на работа со која се запознаени бидејќи им дава сигурност. Но, сигурноста не секогаш значи задоволство. Работата може да понуди многу повеќе од стабилна плата. Може да даде чувство на цел, енергија и личен развој. Токму затоа вреди да се размисли за промена ако сметате дека вашата моментална кариера повеќе не ви носи мотивација. Иако таков чекор може да значи излегување од вашата зона на удобност, таа често отвора врата кон нови можности и личен раст. 1. Промената на кариерата е емоционално тежок процес Промената на кариерата речиси секогаш носи силен емоционален полнеж. Без разлика дали менувате индустрии, компании или започнувате сопствен бизнис, таков потег ретко е лесен. Покрај практичните предизвици, како што се пишување нова биографија или стекнување нови вештини, се појавуваат и внатрешни сомнежи. Многу луѓе почнуваат да ја доведуваат во прашање сопствената самодоверба или се прашуваат дали можат да успеат во нова област. Загриженоста за губење на безбедноста е исто така честа појава. Напуштањето на добро платена работа или напуштањето на престижна титула може да биде стресно. Првиот чекор е да ги прифатите овие емоции како природен дел од процесот. 2. Промената на кариерата ретко се случува преку ноќ Големите професионални пресврти обично траат подолго отколку што очекуваме. Напредокот доаѓа преку мали и доследни чекори. Многумина бараат моментална трансформација, но таквото сценарио е ретко. Наместо тоа, поважно е постепено да се решаваат проблемите и да се гради нова професионална приказна. Трпението често носи подобри резултати од брзите одлуки. Секој мал чекор кон нова кариера ја зголемува самодовербата и отвора нови можности. 3. Интуицијата често помага при промена на кариерата Кога донесуваат големи животни одлуки, луѓето често се обидуваат рационално да анализираат сè. Но, интуицијата може да игра важна улога. Во книгата „Трепкање: Моќта на размислување без размислување“, авторот Малколм Гладвел истакнува дека брзите одлуки често доаѓаат од длабоко искуство и интуиција. Во пракса, многу луѓе кои направиле успешна промена на кариерата велат дека едноставно имале чувство дека тоа е вистинскиот пат. Понекогаш токму ова внатрешно чувство ни помага да препознаеме што навистина ни одговара. 4. Промената на кариерата може да доведе до позначајна работа Ако веќе некое време чувствувате дека треба да направите промена, можеби е време да размислите за нова професионална приказна. Промената на кариерата може да донесе поголема мотивација, енергија и задоволство во секојдневната работа. Луѓето кои наоѓаат работа што ги исполнува честопати повторно почнуваат да се чувствуваат ентузијастично за својата недела. Таквата промена не се случува веднаш. Но, со трпение, доследност и самодоверба, можно е да се изгради кариера што има повеќе смисла. Промената на кариерата може да биде почеток на подобар професионален живот Промената на кариерата бара храброст, но може да донесе големо лично задоволство. Важно е да ги прифатите емоциите што доаѓаат со промената, да се движите во мали чекори и да ја слушате сопствената интуиција. Ако останете упорни и доследни, вашата нова кариера може да стане простор каде што се чувствувате мотивирани и горди на вашата работа. Токму затоа многу експерти веруваат дека потрагата по позначајна работа вреди за трудот. Луѓето кои се осмелуваат да ја променат професионалната насока честопати завршуваат наоѓајќи работа што им носи повеќе енергија, мотивација и лично задоволство.

Граѓаните на Унгарија денес излегуваат на парламентарни избори кои се сметаат за едни од најважните во последните децении. Во фокусот е прашањето дали ќе продолжи 16-годишното владеење на премиерот Виктор Орбан и неговата партија Фидес, или ќе дојде до политичка промена. Главниот предизвикувач е обединетата опозиција, која настапува со заедничка платформа и ветува реформи во правосудството, економијата и односите со Европската унија. Аналитичарите оценуваат дека ова е најсериозниот предизвик со кој се соочува Орбан од доаѓањето на власт. Кампањата беше обележана со остри реторики, дебати за економската состојба, инфлацијата и животниот стандард, но и прашања за демократските институции и медиумските слободи. Власта ја истакнува стабилноста и континуитетот, додека опозицијата бара промени и поголема транспарентност. Иако дел од анкетите покажуваа тесна предност за опозицијата, исходот останува неизвесен. Излезноста на гласачите ќе биде клучен фактор што може да го одреди конечниот резултат. Овие избори се гледаат како пресвртница не само за Унгарија, туку и за нејзината позиција во рамките на Европската унија, со потенцијални последици за политиката во регионот и пошироко.

Алта Група го проширува своето присуство на македонскиот пазар со влез во осигурителниот сектор, преземајќи го ЗОИЛ Македонија АД Битола. Друштвото, по добивање на сите регулаторни одобренија, ќе работи под брендот Алта Осигурување. Пред официјалната потврда од групацијата, Пари ја објави информацијата за блок-трансакцијата реализирана на Македонска берза. Кон крајот на март новиот сопственик се стекна со 100 отсто од акционерскиот капитал. Пакетот од 60 илјади акции беше продаден по цена од 1.748,03 денари по акција, со вкупна вредност од над 104,8 милиони денари или 1,7 милиони евра. ЗОИЛ Македонија е основана во 2023 година. Во 2024 година, според официјалните податоци, друштвото со 13 вработени остварило приходи од 23,8 милиони и загуба од 24,8 милиони денари. Нето-приходите од премии учествуваат со речиси половина во вкупните приходи. Со ова преземање Алта Група го заокружува својот финансиски екосистем во регионот, кој веќе опфаќа банкарство, лизинг и платни услуги, а сега се надградува и со осигурување. Целта е создавање интегриран модел „сè на едно место“, преку кој клиентите ќе имаат пристап до широк спектар финансиски и осигурителни производи. Во сегментот на осигурување ќе бидат понудени услуги од неживотно осигурување – за возила, имот, домаќинства, патувања и деловни активности, со пакети прилагодени на потребите на граѓаните и компаниите. Од групацијата посочуваат дека интеграцијата ќе овозможи поедноставени процедури, побрза обработка и поголема ефикасност во користењето на услугите. Алта Група со овој чекор ги потврдува амбициите за посилно регионално позиционирање и заземање значајна улога на пазарот на Западен Балкан, преку развој на модерен и технолошки унапреден финансиски систем. M.A. Преземањето на авторски содржини (текстови и фотографии) од оваа страница е дозволено само делумно и важат условите опишани на следниот линк.

6 Македонскиот ајвар очигледно одамна ги надминал границите на регионот, а тоа го потврди и светски познатата музичка ѕвезда Рита Ора. Пејачката, која веќе извесен период живее во Австралија, ги изненади своите следбеници од Балканот со фотографија објавена на нејзиниот Инстаграм профил за време на посетата на Нов Зеланд. Во описот на објавата напишала „A little bit of this, a little bit of that“ (Малку од ова, малку од она), а на една од фотографиите се гледа полица исполнета со тегли од брендот „Перустија“, кој е во сопственост на штипската фабрика „Ларс“. Меѓу другото, таа објави и фотографија од рафт со паштети „Аргета“ кои исто така се многу популарни и за многумина омилени и кај нас. Оваа објава не претставува само симпатичен момент за фановите, туку и јасен доказ за успешното присуство на македонските производи на светските пазари. Компанијата „Ларс“ од Штип веќе подолг период активно го извезува ајварот „Перустија“ во Австралија, Нов Зеланд, Канада, САД и Европската Унија, каде што се натпреварува со бројни меѓународни брендови. Производот може да се најде во големи синџири на маркети во Нов Зеланд, наменет за потрошувачи кои бараат автентичен вкус. Рита Ора, светска поп ѕвезда по потекло од Косово и нејзиниот избраник Таика Ваитити од Нов Зеланд стапија во брак во 2022 година.

Алијансата за родова еднаквост на работното место (GEA) ја најавува петтата, јубилејна конференција EqualXChange 2026, која ќе се одржи на 19 мај во хотелот DoubleTree by Hilton во Скопје. EqualXChange е годишна конференција посветена на реалните бизнис-предизвици поврзани со продуктивност, лидерство и управување со човечки капитал. Во изминатите пет години, конференцијата изгради препознатлива и растечка заедница на претприемачи, основачи, извршни директори и менаџери, кои преку дискусии и структурирано вмрежување разменуваат искуства за унапредување на работната средина, носење подобри деловни одлуки и градење конкурентни организации. Петтото јубилејното издание годинава означува важен исчекор – од инспиративни теми кон подлабоки и порелевантни дискусии, со фокус на долгорочни резултати наместо краткорочни трендови. Централната тема „Money. Mind. Influence . “ ги обединува трите клучни столба на современото работење: инвестиции и финансиско одлучување, ментално здравје и одржливост, како и лидерство, продажба и влијание. Овие сегменти се меѓусебно поврзани и заедно го дефинираат успехот на организациите. „Со петтото, јубилејно издание, EqualXChange прераснува во платформа што ги отвора клучните прашања за иднината на работата. Темата Money. Mind. Influence. ја отсликува реалноста во која функционираат денешните бизниси, каде финансиските одлуки, менталната издржливост и способноста за влијание се директно поврзани со перформансот на компаниите“, изјави Марија Ристовска, раководителка на Алијансата за родова еднаквост на работното место. Конференцијата е наменета за професионалци кои носат одлуки и директно влијаат врз растот на организациите – основачи и ко-основачи, извршни директори, менаџери, лидери во продажба и развој на бизнис, како и HR професионалци. Зашто, тоа е платформа за активна размена на искуства и знаења, градење партнерства и креирање конкретни резултати.

Од почетокот на новиот конфликт на Блискиот Исток до средата, 8 април, капацитетите на соларните електрани во Европската унија (ЕУ) ѝ заштедиле на Унијата дури 4,7 милијарди евра преку намалени трошоци за увоз на гас, покажува посебен бројач на организацијата SolarPower Europe. Според податоците, обновливите извори на енергија – особено соларната енергија и системите за складирање – можат да делуваат како „амортизер“ кој ги штити граѓаните и економијата од нагли скокови на цените на енергијата и зголемување на трошоците за увоз. Организацијата спровела и анализа за првиот месец од конфликтот, според која соларната енергија во март ѝ заштедила на ЕУ повеќе од 110 милиони евра дневно на увоз на гас, односно околу 3,77 милијарди евра за целиот месец. На почетокот од март, цените на гасот во ЕУ надминале 50 евра по мегават-час, што е околу 50% повеќе во однос на истиот период минатата година и речиси двојно повеќе од претходниот месец. Овој раст, според аналитичарите, е последица на геополитичките тензии и зголемените цени на нафтата поради нарушувања во снабдувањето на Блискиот Исток. Без соларната енергија, увозот ќе беше значително поскап Според Европската комисија, ЕУ само во првата половина од март потрошила околу шест милијарди евра за увоз на фосилни горива. Сепак, доколку во изминатите години не се развивале соларните капацитети, сметката за увоз би била за околу 32% повисока – односно за 1,9 милијарди евра повеќе само во првите 17 дена од март. До крајот на минатата година, во ЕУ биле инсталирани околу 406 GW соларни електрани, кои учествуваат со околу 13% во вкупното производство на електрична енергија. Овие капацитети, според извештаите, значително придонеле за намалување на зависноста од увоз на гас од почетокот на конфликтот. Големи долгорочни заштеди Во зависност од движењето на цените на гасот, се проценува дека до крајот на 2026 година соларната енергија може да ѝ заштеди на ЕУ меѓу 35 и 68 милијарди евра. До крајот на деценијата, вкупните кумулативни заштеди би можеле да достигнат и до 170 милијарди евра. Експертите посочуваат дека земјите од Западен Балкан значително заостануваат во енергетската транзиција. Со само 0,24 GW соларни капацитети и учество под 0,5% во производството на струја, потенцијалот за заштеди е многу ограничен. Во исто време, податоците покажуваат дека земјите од регионот остануваат силно зависни од увоз на фосилни горива, што ги прави ранливи на глобалните енергетски шокови. Аналитичарите предупредуваат дека актуелната ситуација уште еднаш покажува колку развојот на домашни, обновливи извори на енергија е клучен за енергетската безбедност и економската стабилност на државите.

Повеќе од 16.000 македонски државјани ја напуштиле земјата во последното деноноќие, што укажува на значително зголемен притисок на граничните премини во пресрет на празниците. Во изминатите 24 часа, над 16.000 македонски државјани ја напуштиле државата преку граничните премини „Богородица“ и „Табановце“, покажуваат податоците од надлежните институции. Станува збор за значително зголемен интензитет на патничкиот сообраќај, типичен за празнични периоди и продолжени викенди, кога граѓаните масовно патуваат надвор од земјата. Најголемиот дел од патниците се упатиле кон Грција и Србија, кои традиционално се најчести дестинации за кратки одмори, шопинг и посета на роднини. Од граничните служби информираат дека сообраќајот се одвива засилено, но без поголеми застои. Сепак, во одредени делови од денот се регистрирани подолги задржувања, особено на излез од државата. Надлежните апелираат до граѓаните да бидат трпеливи и да ја следат состојбата на граничните премини пред да тргнат на пат, со цел да се избегнат непотребни чекања. Се очекува зголемената фреквенција да продолжи и во наредните денови, имајќи ги предвид празничниот период и поволните временски услови, што дополнително ќе го зголеми притисокот врз најфреквентните премини.

Германскиот малопродажен гигант тестира нов концепт во Северна Ирска, комбинирајќи продавница и угостителски објект Германскиот трговски синџир Lidl започна со реализација на нов концепт што излегува надвор од неговата стандардна понуда. Компанијата гради паб во Дандоналд, предградие на Белфаст во Северна Ирска, во близина на една од своите постојни продавници. Планираниот објект ќе има капацитет од околу 60 седечки места и површина од приближно 60 квадратни метри. Во рамки на истиот проект е предвидено и отворање продавница за алкохолни пијалаци, каде ќе биде достапен поширок асортиман на вина, пива, сидери и жестоки пијалаци од брендот. Регионалниот директор на Lidl за Северна Ирска, Гордон Круикшанкc, изјави дека компанијата е присутна во Дандоналд повеќе од две децении, но досега купувачите немале пристап до целосната понуда, особено кога станува збор за алкохол. Проектот доби зелено светло по судска постапка во која беше одбиена жалбата на конкурент. Во одлуката, судот оцени дека концептот е новина на пазарот, но дека не постојат законски пречки за негово воведување. Иако законите во Северна Ирска строго ги регулираат дозволите за продажба на алкохол, тие можат да се пренесуваат помеѓу објекти со слична намена, што овозможи реализација на овој проект. Со овој потег, Lidl тестира нов бизнис модел кој комбинира малопродажба и угостителство. Останува да се види дали ваквиот пристап ќе стане нов тренд во индустријата или ќе остане изолиран експеримент.