На само неколку дена пред гласањето во Бугарија, најновата анкета на агенцијата „Маркет линкс“ спроведена во соработка со телевизијата „бТВ“, најавува доминантна победа на коалицијата „Прогресивна Бугарија“ предводена од поранешниот претседател Румен Радев. Со поддршка од 30,8 отсто од гласачите, Радев се наоѓа во значителна предност пред долгогодишниот политички опонент ГЕРБ, кој според оваа анкета ужива доверба од 18 проценти. Далеку зад нив се рангирани коалицијата „Продолжуваме со промената – Демократска Бугарија“ со 11,2 отсто, „ДПС-Нов почеток“ со 6,5 отсто и партијата „Преродба“ со 4,2 отсто, додека останатите политички субјекти засега остануваат под изборниот праг, објави БГНЕС . Социологот Добромир Живков посочува дека клучниот фактор за ваквиот резултат е високата излезност и привлекувањето на новите гласачи токму кон програмата на „Прогресивна Бугарија“. Иако сè уште има 15 проценти неодлучни граѓани, анализите покажуваат дека дури 90 отсто од оние кои се двоумат во последен момент ја даваат својата поддршка за формацијата на Радев. Токму оваа динамика му дава на поранешниот претседател силен ветар во грб пред неделните избори на 19 април. Сепак, преточувањето на овие проценти во пратенички места сугерира дека Бугарија и понатаму би можела да се соочи со тешки преговори за влада. Според проекциите, „Прогресивна Бугарија“ би освоила 109 мандати, што е недоволно за посакуваното мнозинство од 121 пратеник во Народното собрание. Зад нив би биле ГЕРБ со 57, ПП-ДБ со 37, ДПС со 21 и „Преродба“ со 16 мандати. Ова значи дека и покрај убедливата победа, на Радев ќе му биде неопходен коалициски партнер за формирање стабилен кабинет, што го отвора прашањето за пост-изборните калкулации на бугарската политичка сцена. © Vecer.mk, правата за текстот се на редакцијата ФАТЕНИ МИЛИОН ЕВРА ЗА КУПУВАЊЕ ГЛАСПОВИ НА ИЗБОРИ. Каде? Па, во Бугарија СРПСКОТО СОБРАНИЕ ДЕНЕСКА ЌЕ ГЛАСА ЗА ИЛИ ПРОТИВ за недоверба на Владата

На неколку дена пред изборите во Бугарија анкетите покажуваат дека коалицијата „Прогресивна Бугарија“ на поранешниот претседател Румен Радев е пред голема победа. Анкетата на „Маркет линкс“ направена заедно со телевизијата бТВ од 7 до 14 април покажува дека „Прогресивна Бугарија“ е прва со 30,8 отсто. Втор е ГЕРБ со 18 проценти, по што следуваат коалицијата Продолжуваме со промената – Демократска Бугарија (ПП-ДБ) со 11,2, ДПС-Нов почеток – со 6,5 и Преродба со 4,2 отсто%. Ниедна од другите партии не е блиску до изборниот праг од 4 отсто. „Очекуваме значително поголема излезност на гласачите. ‘Прогресивна Бугарија’ ги привлекува овие новодојденци во изборниот процес, бугарските граѓани“, коментираше социологот Добромир Живков од „Маркет линкс“ за бТВ. Сè уште има 15 проценти од гласачите кои сè уште не одлучиле за кого ќе гласаат на 19 април, истакна тој. Околу 90 отсто од оние кои досега се двоумеле се упатуваат кон Прогресивна Бугарија, рече социологот. Според Живков, динамиката е главно е кај коалицијата на Радев. Според оваа анкета, на Радев ќе му треба коалициски партнер да формира влада. Ако овие резултати се пренесат и на гласањето в недела „Прогресивна Бугарија“ би имал 109 мандати, ГЕРБ 57, ПП-ДБ 37, ДПС 21 и Преродба 16. За мнозинство се потребни 121 пратеници.