По бројните кавери и препеани хитови со кои го привлече вниманието на публиката, младиот, симпатичен и талентиран Никола Милосковски конечно го направи својот прв сериозен чекор на музичката сцена. На 13 април , преку својот YouTube канал, тој ја промовираше својата прва авторска песна – емотивната љубовна балада „Стари мој“ , проследена со впечатлив видеоспот. Станува збор за песна која уште на прво слушање плени со својата искреност, топлина и мелодичност. „Стари мој“ носи силна емоција и лесно допира до секој што знае што значи вистинска љубов. Ова е композиција во која многумина ќе се пронајдат – особено оние кои љубат искрено и без задршка. Песната е резултат на соработка со Емел Франца , кој стои зад музиката и текстот, додека аранжманот го потпишува Кристијан Јовановиќ . Зад видео спотот стои Алек Тасевски , кој визуелно ја доловува емоцијата што ја носи самата песна. Истиот е снимен на повеќе локации во Скопје. Интересно е што токму каверите што Никола ги објавувал на интернет биле клучни за оваа соработка. Неговите изведби стигнале до вистинските луѓе во вистинско време, по што Емел Франца му ја испратил песната. „На второ, трето, четврто слушање само си потврдив дека тоа е тоа“ , вели Никола, објаснувајќи ја својата инстант поврзаност со композицијата. Иако најчесто настапува во својот роден град Куманово, неговата музичка приказна полека се шири и надвор од границите – со настапи низ Македонија , но и во Србија. Фестивалите засега не се во негов фокус, но, како што самиот признава, тоа лесно може да се промени. Интересен детал е што „Стари мој“ е снимена на српски јазик , со цел да допре до поширока регионална публика. Но, тоа не ја исклучува можноста песната да добие и македонска верзија во блиска иднина. Со ова деби, Никола Милосковски јасно покажува дека не е само уште едно ново име на сцената, туку артист кој има што да каже. Ако се суди по енергијата, посветеноста и емоцијата што ја вложува во музиката – ова е само почеток на една многу убава и ветувачка музичка приказна.

По бројните кавери и препеани хитови со кои го привлече вниманието на публиката, младиот, симпатичен и талентиран Никола Милосковски конечно го направи својот прв сериозен чекор на музичката сцена. На 13 април , преку својот YouTube канал, тој ја промовираше својата прва авторска песна – емотивната љубовна балада „Стари мој“ , проследена со впечатлив видеоспот. Станува збор за песна која уште на прво слушање плени со својата искреност, топлина и мелодичност. „Стари мој“ носи силна емоција и лесно допира до секој што знае што значи вистинска љубов. Ова е композиција во која многумина ќе се пронајдат – особено оние кои љубат искрено и без задршка. Песната е резултат на соработка со Емел Франца , кој стои зад музиката и текстот, додека аранжманот го потпишува Кристијан Јовановиќ . Зад видео спотот стои Алек Тасевски , кој визуелно ја доловува емоцијата што ја носи самата песна. Истиот е снимен на повеќе локации во Скопје. Интересно е што токму каверите што Никола ги објавувал на интернет биле клучни за оваа соработка. Неговите изведби стигнале до вистинските луѓе во вистинско време, по што Емел Франца му ја испратил песната. „На второ, трето, четврто слушање само си потврдив дека тоа е тоа“ , вели Никола, објаснувајќи ја својата инстант поврзаност со композицијата. Иако најчесто настапува во својот роден град Куманово, неговата музичка приказна полека се шири и надвор од границите – со настапи низ Македонија , но и во Србија. Фестивалите засега не се во негов фокус, но, како што самиот признава, тоа лесно може да се промени. Интересен детал е што „Стари мој“ е снимена на српски јазик , со цел да допре до поширока регионална публика. Но, тоа не ја исклучува можноста песната да добие и македонска верзија во блиска иднина. Со ова деби, Никола Милосковски јасно покажува дека не е само уште едно ново име на сцената, туку артист кој има што да каже. Ако се суди по енергијата, посветеноста и емоцијата што ја вложува во музиката – ова е само почеток на една многу убава и ветувачка музичка приказна.