Нов извештај на Korea Economic Times (пренесен од 9to5Google) тврди дека Samsung ќе го одржи својот следен Galaxy Unpacked настан во Лондон на 22 јули. Според протечените информавии, Samsung планира новите смартфони на преклоп да ги претстави на 22 јули, во рамки на традиционалниот летен Galaxy Unpacked настан. Овој термин се вклопува во досегашната пракса на компанијата, која во последните години новите генерации преклопни телефони ги лансира токму во јули. Според Korea Economic Times, Samsung ќе лансира наследник на минатогодишниот одличен Galaxy Z Fold 7 (најверојатно наречен Galaxy Z Fold 8), како и нов, долго најавуван Wide Fold модел кој би можел да му конкурира на сè уште необјавениот iPhone Ultra. Иако во извештајот не се споменува Z Flip линијата, би било големо изненадување доколку компанијата не го претстави и Galaxy Z Flip 8. Исто така, Samsung често претставува и Galaxy Watch модели на летните Unpacked настани, па веројатно ќе има и нови паметни часовници. Уште една интересна информација вели Samsung наводно ќе прикаже поддршка за S Pen кај барем еден од новите уреди, иако не е сосема јасно за кој модел станува збор. Логично би било тоа да биде Wide Fold моделот, со оглед на поголемиот внатрешен екран, но ќе треба да почекаме официјална потврда. Додека технолошкиот свет со нетрпение го очекува iPhone Fold, вреди да се напомене дека преклопните уреди на Samsung во последните години достигнаа навистина висок квалитет. Galaxy Z Fold 7, особено, сè уште е веројатно најдобриот преклопен телефон што може да се купи во моментов, делумно благодарение на неговиот импресивно тенок дизајн. Останува да видиме дали Samsung ќе успее да го задржи тој моментум и во 2026 година за Android корисниците.

Следната генерација преклопни смартфони на Samsung би можела да пристигне со вградена AI функција за препознавање измами, но во овој момент станува збор за информации што произлегуваат од откритија во код и медиумски извештаи, а не од официјална најава од Samsung. Android Authority објави дека во код се појавиле индикации оти моделите Galaxy Z Fold 8, Z Flip 8, па дури и еден поширок „Wide Fold“ би можеле да ја добијат функцијата Scam Detection уште при самото пуштање во продажба. Оваа алатка користи вештачка интелигенција за да препознае сомнителни обрасци во телефонски разговори и да предупреди ако повикот личи на измама. Google официјално објави дека Scam Detection веќе се проширува и дека функцијата за препознавање измамнички повици на Pixel уредите е достапна во повеќе земји, а истовремено најави и проширување кон Samsung уреди. Важно е и тоа што тврдењето дека оваа функција е „достапна само на Google Pixel во САД“ веќе не е целосно точно. Според официјалната објава на Google, Scam Detection за повици на Pixel веќе е достапна и во Велика Британија, Австралија, Канада, Франција, Германија, Индија, Ирска, Италија, Јапонија, Мексико и Шпанија, што значи дека функцијата веќе излезе надвор од САД. Во меѓувреме, Samsung веќе има свои алатки за филтрирање спам и потенцијално измамнички повици преку Smart Call, но новата AI функција би значела подлабока анализа во реално време и посилна заштита за корисниците. Што се однесува до новите преклопни модели, и нивното очекувано претставување во јули засега останува на ниво на гласини и протекувања, без официјална потврда од Samsung. Има повеќе извештаи дека летниот Unpacked би можел да се одржи кон крајот на јули и дека таму би можеле да бидат претставени Z Fold 8, Z Flip 8 и евентуално нов поширок модел.

AI функцијата за препознавање измами засега е достапна само на телефоните на Google Pixel и е ограничена на САД, но според сè, наскоро би можела да пристигне и на новите склопливи мобилни телефони на Samsung. Samsung со следната генерација склопливи мобилни телефони би можел да ја воведе функцијата Scam Detection, AI алатка за препознавање измами. Како што пренесува Android Authority, функцијата би требало да биде достапна „веднаш од кутија“ на Galaxy Z Fold 8 и Z Flip 8, а наводно ќе ја добие и сè уште непотврдениот Galaxy Wide Fold. Во пракса, Scam Detection користи вештачка интелигенција за анализа на телефонските повици и пораки во реално време, со цел да препознае потенцијални обиди за измама. Системот може да детектира сомнителни обрасци во разговорот, како што се барање лични податоци, пари или лажно претставување, и да го предупреди корисникот за време на самиот повик или преку известување. На тој начин, корисникот може навреме да реагира, да ја прекине комуникацијата или да игнорира сомнителна порака пред да дојде до можен проблем. Инаку, оваа функција веќе постои на телефоните на Google Pixel, но засега работи само во САД, па останува да се види дали Samsung со новите модели ќе ја прошири нејзината достапност и на други пазари. Претставувањето на новата генерација склопливи телефони на Samsung се очекува во јули.